اثار الحب

اثار الحب

* حبٍ يشيّب صاحبه ما بَعَدْ شاب وحبٍ يشيب وصاحبه في شبابه

* وحبٍ يغيب وصاحبه ما بَعَدْ غاب وحبٍ يدوم وصاحبه في غيابه

* وحب يذوّب خافقٍ ما بعد ذاب وحبٍ يداوي صاحبه من عذابه

* وحبٍ يتوّب خافقٍ ما بَعَدْ تاب وحبٍ يزيدك رغبةٍ في الكتابه

* وحبٍ حياته كلّها لوم وِعْتاب وحبٍ حقيقي ما يضرّك عتابه

* وحبٍ بلا معنى وحبٍ بلا اسباب يبدا غريب وينتهي في غرابه

* وحبٍ ضعيفٍ مثل حبرٍ على كْتاب تمحيه دمعه في ثواني كآبه

* وحبٍ قويٍ مثل قصرٍ له ابواب لو هبّ عاتيْ الريح ما اهتز بابه

* وحبٍ بداية رحلته نظرة اعجاب واخر مطافه مثل يومٍ بدا به

* وحبٍ يعيش بداخل قْلوب الاحباب وحبٍ يشيع وكل حَيٍ درى به